Selasa, 23 Agustus 2011

Motivasaun Tony Blair Atu Hadia Futuru TL, Xanana ida ne’e Ondra Bo’ot

Posting Husi : Josefa Parada
Suara Timor Lorosa'e

DILI—Eis Primeiru Ministru (PM), Inglaterra, Tony Blair, Segunda (22/8), hasoru malu ho Primeiru Ministru (PN), Kay Rala Xanana Gusmao iha Palacio Governu, hodi koalia kona motivasaun ne’ebe nia fob a TL.
Tuir, PM, Xanana Gusmao katak, Eis PM, Inglaterra ne’e, ema ida ne’ebe koinesidu iha mundu tomak, ne’eduni liu husi motivasaun ne’ebe nia iha atu bele hadia diak liu tan TL ba iha future.
“Ita hetan ondra bo’ot tebes husi Eis Premeiru Ministru (PM), Tony Blair, tanba nia iha tempu kaer governu apoiu mos TL, bainhira nia mai iha ne’e bele dehan katak bele fo motivasaun bo’ot tebes ba ita tomak,” nia informa.
Xanana reforsa tan katak, Tony Blair ema ida koinesidu tebes Nia prezen iha ne’e hanesan ema koinesidu Eropa, Afrika no iha nasaun sira seluk. Nia koinesidu tanba durante nia servisu hamutuk ho maluk iha mundu tomak.
Ne’eduni Xanana apresia tebes ba Eis Primeiru Ministru (PM), Inglatera, Tony Blair nia prezenza iha TL.
Delegasaun ne’e kontente tebes hasoru Xefi governu ne’ebe mai husi ema luta nain ohin loron iha esforsu maka’as atu hadia povu nia moris no dezenvolve nasaun ne’e ba futuru.
Eis Primeiru Ministru Inglaterra, Tony Blair ne’ebe iha nia hanoin no opsaun ba dezenvolvementu, ne’eduni nia husu ba lideransa atu mantein nafatin dezenvolvementu ne’ebe governu komesa halao agora hodi dezenvolve diak liu tan nasaun TL sai mos hanesan nasaun seluk ne’ebem ak dezenvolvidu ona.
“Hau kontenti hamutuk ho Xanana ohin, hau iha esperansa ba futuru rai ida ne’e ba oin ho desenvolvimentu ne’ebe diak,” hatete Tony. Informasaun kompletu iha STL Jornal no STL web, edisaun Tersa (23/8). Oscar Salsinha

Tidak ada komentar:

Posting Komentar