Estado liu husi Primeiru Ministru Xanana Gusmao no Prezidente Republika Jose Ramos Horta konfirma sira nia apoiu ba rejignasaun Komandante FFDTL, Major Jeneral Taur Matan Ruak.
Xanana Gusmao, hafoin enkontro ho Ramos Horta iha Palacio Prezidente, Bairopite, Segunda ne'e (19/9) konfirma katak estado aprova ona Taur Matan Ruak nia rejignasaun.
“Oinsa mos kuando komandante Taur nia pozisaun hanesan ne'e ona, ita atu halo nusa tan, estado tenki apoiu nia desizaun” Xanana Komfirma.
Taur rasik hafoin deklara nia rejignasaun semana rua liu ba oras n'ee husik ona rezidensia no kuartel jeral FFDTL hodi fila ba vida sivil.
Oras n'ee dadaun, Xefe Estado Maior, Brigadeiro Jeneral Lere Anan Timor mak sai komandante interino ba FFDTL. (Domingos da Silva/CJITL)
Tidak ada komentar:
Posting Komentar