Alfredo :Tuir Fonte Informasaun Austrália , kompañia Woodside Prontu ona atu dada kadoras mai Timor Leste.

Wednesday, 19 October 2011 12:14
Written by M X
Libertasaun- Sekretáriu Estadu Rekursu Natural, Alfredo Pires , Segunda-Feira(19/10/11) iha Parlamentu Nasional hateten katak Kompañia Woodside prontu ona atu dada kadoras mai Timor Leste.

Governu Aliansa Maiória Parlamentar (AMP) ne’ebé maka lidera husi Maun Boot Kay Rala Xanana Gusmão hetan rezultadu ida  pozitiva  konaba negosiasaun pipeline mai iha Timor-Leste,  tamba foin dadauk média nasional balun iha Austrália fo sai katak Kompañia Woodside prontu ona dada kadoras mai Timor Leste.tenik Alfredo

“Karik ita haree  jornal iha semana tolu liu ba, iha Timor Leste maka seidauk sai maibe média  sira iha Austrália ne’e fo katak kompañia Woodside prontu ona konsidera Timor nia proposta atu dada pipeline ne’e  mai  iha Timor Leste’’ afirma Sekretáriu Estadu Rekursu Natural, Alfredo Pires ba jonalista sira iha Uma Fukun Parlamentu Nasional , Kuarta-Feira (19/10/11). Durante iha prosesu negosiasaun, Timor –Leste nia pozisaun maka kodaras ne’e tenke dada mai iha Timor tamba faktu hatudu tiha ona katak Austrália dada tiha ona nia parte Mina tasi Timor ba Darwin.

Tuir negosiasaun ne’ebé la’o durante ne’e Woodside nia pozisaun maka kadoras ne’e namlele iha tasi laran maibe tuir peskisa hatudu katak kustu ba plataforma no instalasaun ba projetu ne’e boot liu kompara ho dada mai iha Timor.

Maibe notisia diak ida  maka iha loron 10 fulan Outubru tinan 2011 ne’ebé média   sira fo sai katak woodside prontu  ona atu dada kadoras mai Timor Leste, loron matan gas foun ida atu mosu  iha ita nian rain,bnomos husu ita hotu lalika kontente, maibe tenke akompaña prosesu polítika  konaba  kadoras ne’e la’o nusa.tenik Alfredo

“Ita lalika kontente demais, ita tenke hatene polítika ne’e la’o nusa, ita tenke mantein nafatin ita nia pozisaun atu manan objektivu ne’ebé maka ita hotu hakarak, maibe hau hatene katak  iha duni mudansa ida Woodside tuir jornal  ne’ebé hau lee” Nia  afirma.

Ikus liu nia hateten tan katak se bainhira la realiza Governu AMP nia ukun mak partidu ne’ebé deit  maka atu kaer iha periódu tuir  mai tenke halo tuir Povu nia ejizénsia.