Dili-Governu Liu husi Sekretáriu Estadu Formasaun Profesional no Empregu (SEFOPE) halo Asina akordo ho Parseru Dezenvolvimentu Komunitária liu husi Sentru formasaun profesional hamutuk 16 hodi fo kapasitasaun ba juventude sira iha área oi-oin tamba parseriu dezenvolvimentu komunitária hanesan parseiru ne’ebé ajuda governu liu husi formasaun profesional.Tuir Sekretariu Estadu Formasaun Profesional Empregu, Bendito Freitas hateten katak governu liu husi Sekretariu Estadu Formasaun Profesional servisu hamtuk ho Parseiru Dezenvolvimentu Komunitária hodi kria Centru Formasaun Profesional hodi hasa’e kapasidade juventude nian iha área oi-oin.
“Govenru liu husi SEFOPE servisu hamutuk ho parseiru Dezenvolvimentu Komunitária sira hodi hasa’e kapasidade ba juventude sira iha área oin-oin atu nune’e bele fo koiñesementu ne’ebé diak liu tan ba juventude sira ne’ebé ramata ona sira nian estudu iha Ensinu Sekundária”dehan Bendito Freitas iha edifisiu Caicoli Kinta-feira (20/10) Nian mos informa tan katak durante ne’e governu liu husi Sekretáriu Estadu Formasuan Profesional servisu hamutuk ho Sentru Treinamentu Vokasional hamutuk 16 hodi fo formasaun ba juventude sira iha área oin-oin hanesan Agrikultura, Saúde,Hotelária,no seluk tan tamba parseiru Dezenvolvimentu Komunitária hanesan Estadu nian ain liman hodi ajuda governu.
“Parseiru Dezenvolvimentu Komunitária hanesan ain liman estadu nian atu bele ajuda governu hodi inplementa programa governu nian tamba parseiru Dezenvolvimentu sai hanesan implementador ne’e duni governu nafatin servisu hamutuk ho parseiru Dezenvolvimentu komunitária sira hodi nafatin fo kapasitasaun ba juventude sira”dehan nian
Tidak ada komentar:
Posting Komentar