Iha abertura ba Konferensia Nasional (KN) partidu CNRT nian iha loron dahuluk, iha diskursu Presidente Partidu CNRT, Kayrala Xanana Gusmao hateten katak “Partidu CNRT moris iha 2007, no habo’ot an daudaun iha tinan 4 ho balun nia laran, laos tamba hau ba Primeiru Ministro, maibe tamba kuadru sira nia serbisu no esforsu makas”.
Presidente Partidu haktuir liu tan katak “Partidu CNRT ohin loron iha fatin hotu-hotu, Hau aseita ho ita bo’ot sira nia definisaun katak, partidu laos iha komunidade nia leet, maibe iha komunidade nia Hanoin, iha komunidade nia fuan, iha komunidade nia, iha komunidade nia laran, no iha komunidade nia aspirasaun”.
Hanesan espresaun ida, presidente partidu hakarak atu reforsa liu tan esforsu no serbisu makas nebe kuadru sira hatudu ona iha tinan hirak ne’e nia laran, hodi hatutan ba oin, no kotinua asegura Vitoria iha Eleisaun Geral 2012. Konferensista sira simu diskursu ida ne’e ho antusiasmu no akompanha ho basa liman makas.
Iha parte seluk wainhira husu opiniaun ba konferesista ida nebe mai husi Distritu Lautem konaba Diskursu presidenti partidu nian, Konferensista ne’e hateten katak, Diskursu ida ne’e importante no iha karater ida honesto no humilde duni hodi fo valor ba kuadru sira nia serbisu. Nia espresa liu tan katak so maun Xanana mak bele halo ida ne’e, katak maski nia mak lidera partidu maibe nia sei fo nafatin valor ba esforsu sira nebe hatudu husi kuadru sira maski kiik. (JD)
Tidak ada komentar:
Posting Komentar