CNRT Iha Responsabilidade ba Nasaun Timor Leste

Dili –MLP, Prezidente Partidu CNRT iha interese no responsabilidade ne’ebe bo’ot ba Nasuan nurak ida ne’e no ba povu iha rai doben ida ne’e tamba povu barak maka sei  moris nafatin iha terus no susar, kiak no mukit nian laran, tan  ne’e duni partidu CNRT  deklara katak CNRT sei iha responsaibilidade bo’ot ba nasaun nurak ida ne’e.

Tuir Prezidente Partidu CNRT Kay Rala Xanana Gusmão iha nia diskursu hateten katak Partidu CNRT iha interese no responsabilidade ne’ebe bo’ot ba rai doben ida ne’ebe sei nurak nudar partidu politiku CNRT iha responsabilidade ne’ebe bo’ot ba prosesu Construsaun estadu ne’e tamba ita temi ona estadu demokaratiku.

“Partidu CNRT iha interese no responsabiidade ne’ebe bo’ot ba rai ida ne’e sei nurak nudar Partidu Politiku CNRT iha responsabilidade ne’ebe maximu atu halo kosntrusaun ba estadu ida ne’e tamba temi ona estadu ne’e direitu”dehan Prezidente.

Iha fatin seluk hanesan Delegadu husi Distiru Bobonaro Fransisco Sanhes hateten katak CNRT iha interese bo’ot ba Nasaun no ba povu ida ne’e iha nian estatutu partidu ne’e rasik no lema hateten katak liberta ona rai no sei liberta tan povu, ida ne’e signifika katak CNRT iha interese no responsabiidade ne’e bo’ot ba nasaun ida ne’e no ba povu ida ne’e.

“Partidu CNRT iha nia lema hateten katak Liberta ona rai ida ne’e atu liberta tan povu husi kiak no mukit ida ne’e signifika katak CNRT iha intere ne’ebe bo’ot liu partidu sira seluk ba Nasaun ida ne’e no ba povu ida ne’e”Dehan Sanhes

Iha fatin hanesan Delegadus husi Distritu Liquisa Matesu Souza hateten katak Partidu CNRT ne’ebe lidera husi Prezidente Kay Rala Xanana Gusmão laos ohin loron deit maka iha interese ba rai no povu ida ne’e maibe hahu husi tempu rezistensia hakarak atu liberta rai no povu husi kiak no mukit.

http://www.partidocnrt.com/index.php?option=com_content&view=article&id=973:cnrt-iha-responsabilidade-ba-nasaun-timor-leste&catid=29:notisia-cnrt&Itemid=154