Iha diskusaun dader hanesan kontinuasaun husi sesaun lorokraik loron dahuluk nian, iha nebe iha loron dahuluk iha parte lorokraik, komisaun C nebe trata asuntu lista & kriteria kandidatura ba Parlamentu Nasional, hato’o Kriteria no kompozisaun lista ba membro Parlamentu Nasional.
Iha dader loron dahuluk nian, Meza konferensia nebe modera husi Vice Presidenet Partidu Sr. Virgilho Smith fo biban ba Distritu sira atu fo komentariu ka hanoin ruma nebe husi Komisaun C enrelasaun ho Lista no Kriteria ba Parlamentu Nasional nian. Iha diskusaun ida ne’e, hetan hanoin murak barak oinsa mak atu iha proporsionalidade no reperentatividade entre Nasional no Distrito, no mos iha proporsionalidade entre profisionalismo tekniko no profesionalismo politiko, hodi hatudu kualidade iha politika ba servi povo no nasaun.
Diskusaun ida ne’e kosidera hanesan exersisiu Demokratika ida, para atu hetan unidade iha pensamentu no unidade iha asaun. Tuir Presidente KP-CNRT Sr. Bendito Fretitas iha nia intervensaun badak hateten katak, apresentasaun no komentariu sira nebe mai husi Distritu sira, ne’e konsidera importante no husi diskusaun ida ne’e, atu ita bele komunga filosofia ida “Unidade iha pensamentu no unidade iha asaun”
Taka diskusaun ida ne’e, presidenti partidu fo hanoin hikas fali katak labele kahur buat 2, entre parlamentu no ba Ezekutivo. Tamba preparasaun tenke prepara rua ne’e dala ida, tamba husi mapeamentu politiko hatudu ona katak ita sei hetan maioria absoluta. Tamba ne’e diskusaun tenke aprofunda ba lista inklui kriteria ba Parlamentu no ba Ezekutivo, presidente partidu ne’e haktuir.
Objetivo sentral husi diskusaun ne’e mak atu hetan aprovasaun ba kriteria no lista kandidatura hodi prepara an ba iha Parlamentu no ba Governo nian. (JC)
Tidak ada komentar:
Posting Komentar