Aleinde formasaun iha Timor-Leste, no oportunidade sira ba empregu no estájiu profisionál ne’ebé Sekretaria Estadu Formasaun Profisionál fó ba timoroan sira, formasaun no empregu iha rai liur mós hanesan realidade ida.
SEFOPE kontinua fó apoiu ba sentru formasaun sira no agora daudaun, liu hosi Institutu Nasionál Dezenvolvimentu ba Maun-de-obra(INDMO), fó tan ona sertifikadu 14. Formadór sira ba Sentru Formasaun hetan insentivu atu frekuenta kursu, porezemplu, iha Indonézia, Austrália, Malásia no Brazil, atu hakle’an tan sira nia koñesimentu tékniku sira no atu hetan tan kompeténsia bainhira hala’o sira nia servisu, hodi garante kualidade ida ba formasaun.
Atu hola parte iha Planu Estratéjiko Dezenvolvimentu Nasionál, liuliu iha área infra-estrutura sira, mak formadór sira hametin ona sira nia koñesimentu iha konstrusaun sivíl, karpintaria, eletrisidade no soldadura entre no sira seluk tan ne’ebé mak presiza.
Formandu barak mak bá rai liur hodi servisu no halo estájiu iha ne’ebá atu hodi hetan esperiénsia hodi tau koñesimentu hirak ne’ebé sira hetan tiha ona ne’e iha prátika.
Akordu ida ne’ebé estabelese tiha ona iha tinan 2008, ho Koreia Sul permite ona katak, to’o agora, timoroan besik rihun rua atus rua mak frekuenta kursu lian Koreia Sul nian atu sira bele kandidata an hodi bá servisu iha país ne’e. Koñesimentu ba lian, hamutuk ho formasaun ne’ebé sira simu, permite sira atu bele konkorre ba servisu ne’ebé Koreia Sul fó traballadór timoroan sira. Agora daudauk, traballadór besik 489 ( 53 mak feto) servisu hela iha Koreia Sul, liu-liu iha agrikultura, peska no trabalho sira artifisiál.
Traballadór besik 30 lakleur tan sei bá hamutuk ho sira uluk no sei iha tan 600 mak hein de’it oportunidade atu bolu sira.
SEFOPE, liu-liu Koléjiu Marítimu Timor-Leste, iha projetu-pilotu ida ho Governu Austrália nian atu iha tempu oin mai, Austrália sei simu tan estajiáriu timoroan ba área marítima, esplorasaun ba produtu tasi nian, luku tasi, sistema lori ema ho ró kiik sira.
Austrália simu ona joven na’in ualu ne’ebé nia fó servisu no estájiu profisionál ba sira, no lakleur tan sei bá tan sanulu resin rua. Tanba sei hanesan hela projetu-pilotu, mak sei haka’as an nafatin atu bele aumenta tan ema.
Nune’e, formasaun ne’ebé halo iha país kompleta ho ida ne’ebé halo iha estranjeiru, ho esperiénsia profisionál ne’ebé hetan iha rai li’ur, atu nune’e ho esperiénsia rua ne’e tau hamutuk bele dezenvolve Timor-Leste iha kapitál umanu no mós país ida ne’e.
http://timor-leste.gov.tl/?p=5253&lang=tp&n=1
SEFOPE kontinua fó apoiu ba sentru formasaun sira no agora daudaun, liu hosi Institutu Nasionál Dezenvolvimentu ba Maun-de-obra(INDMO), fó tan ona sertifikadu 14. Formadór sira ba Sentru Formasaun hetan insentivu atu frekuenta kursu, porezemplu, iha Indonézia, Austrália, Malásia no Brazil, atu hakle’an tan sira nia koñesimentu tékniku sira no atu hetan tan kompeténsia bainhira hala’o sira nia servisu, hodi garante kualidade ida ba formasaun.
Atu hola parte iha Planu Estratéjiko Dezenvolvimentu Nasionál, liuliu iha área infra-estrutura sira, mak formadór sira hametin ona sira nia koñesimentu iha konstrusaun sivíl, karpintaria, eletrisidade no soldadura entre no sira seluk tan ne’ebé mak presiza.
Formandu barak mak bá rai liur hodi servisu no halo estájiu iha ne’ebá atu hodi hetan esperiénsia hodi tau koñesimentu hirak ne’ebé sira hetan tiha ona ne’e iha prátika.
Akordu ida ne’ebé estabelese tiha ona iha tinan 2008, ho Koreia Sul permite ona katak, to’o agora, timoroan besik rihun rua atus rua mak frekuenta kursu lian Koreia Sul nian atu sira bele kandidata an hodi bá servisu iha país ne’e. Koñesimentu ba lian, hamutuk ho formasaun ne’ebé sira simu, permite sira atu bele konkorre ba servisu ne’ebé Koreia Sul fó traballadór timoroan sira. Agora daudauk, traballadór besik 489 ( 53 mak feto) servisu hela iha Koreia Sul, liu-liu iha agrikultura, peska no trabalho sira artifisiál.
Traballadór besik 30 lakleur tan sei bá hamutuk ho sira uluk no sei iha tan 600 mak hein de’it oportunidade atu bolu sira.
SEFOPE, liu-liu Koléjiu Marítimu Timor-Leste, iha projetu-pilotu ida ho Governu Austrália nian atu iha tempu oin mai, Austrália sei simu tan estajiáriu timoroan ba área marítima, esplorasaun ba produtu tasi nian, luku tasi, sistema lori ema ho ró kiik sira.
Austrália simu ona joven na’in ualu ne’ebé nia fó servisu no estájiu profisionál ba sira, no lakleur tan sei bá tan sanulu resin rua. Tanba sei hanesan hela projetu-pilotu, mak sei haka’as an nafatin atu bele aumenta tan ema.
Nune’e, formasaun ne’ebé halo iha país kompleta ho ida ne’ebé halo iha estranjeiru, ho esperiénsia profisionál ne’ebé hetan iha rai li’ur, atu nune’e ho esperiénsia rua ne’e tau hamutuk bele dezenvolve Timor-Leste iha kapitál umanu no mós país ida ne’e.
http://timor-leste.gov.tl/?p=5253&lang=tp&n=1
Tidak ada komentar:
Posting Komentar