Partidu CNRT Iha Planu Integradu, Ekilibradu No Sustentável

Dili- Diskusaun partidu polítiku sira  ba aspetu dezenvolvimentu nasional iha Timor Leste (4/07/2011)

Husi  konferénsia ne’ebé organiza husi Universidade Timor leste no Universidade Vitória Australia ho nia tema “Koñesimentu, atitude no abilidade ba dezenvolvimentu Timor-Leste” iha oportunidade ida ne’e  Partidu CNRT hetan konvite husi komisaun organizadora hodi partisipa  diskusaun breve entre partidu politiku sira.

Liu husi diskusaun ida ne’e Sekretáriu Jeral Partidu CNRT  Dr. Dionisio Babo subliña katak” Partidu CNRT iha nia planu  Integradu, Balansu no Sustentável ba prosesu dezenvolvimentu nasional. Planu ne’ebé integradu signifika katak politika Partidu CNRT hare ba aspetu hotu-hotu hanesan ekonomia, infrastrutura, edukasaun, saúde, justisa no agrikultura.

Planu integradu sira ne’e mak CNRT fo prioridade liu hodi   implementa iha prosesu dezenvolvimentu nasional, atu  bele garante ‘bem –estar’ ba populasaun sira nian. Nia mos hatutan katak , planu sira ne’e tenke iha balansu, katak politika CNRT liu husi planu estratéjiku dezenvolvimentu nasional (PEDN) tenke ekilibradu duni ba área rural sira hodi bele fo sustentabilidade ba sira ne’ebé iha área rural. Husi planu ida ne’e maka CNRT ho nia politika dezentralizada  liu  husi kriasaun ba minisipiu sira hodi  bele desentraliza programa no munisipiu idak-idak atu nune’e bele hare nia kestaun ba problema sira no nia potensialidade rejiaun nian.

CNRT mos iha nia politika ida katak planu sira tenke iha sustentabilidade, planu ne’ebé sustentável katak planu sira ne’e tenke refleta duni ba dezenvolvimentu nasional, hanesan edukasaun, , maka CNRT nia politika  ba edukasaun liu husi dezenvolvimentu kapital umanu, kriasaun eskola téknika no garante saúde populasaun sira nian,  ne’ebé hare liu ba saúde básika.

Husi planu estratéjiku dezenvolvimentu nasional(PEDN) CNRT ne’ebé lidera IV governasaun konstitusional promete katak rezultadu liu husi PEDN  ai sei lakan hotu iha kosta norte iha fulan Novembru 2011. Ne’e hatudu katak Partidu CNRT iha nia komprimisu hodi halo dezenvolvimentu nasional maske la’o ho neneik maibe konkretiza duni.

Iha diskusaun ida ne’e Partidu CNRT hatudu duni boa vontade hodi partisipa ba diskusaun ne’ebé organiza husi Universidade UNTL no Universidade Vitória Australia.

http://www.partidocnrt.com/index.php?option=com_content&view=article&id=280:partidu-cnrt-iha-planu-integradu-ekilibradu-no-sustentavel&catid=29:notisia-cnrt&Itemid=154