Letefoho- Juventude Partidu Kongresu Nasional Timor Leste (CNRT) Suku Lemeia garante Partidu CNRT hetan votu 100% iha eleisaun jeral 2012 ( 9/7/2012)Konsolidasaun Partidu CNRT ne’ebé hala’o iha Suku Lemeia Sorin Balun Sub –Distritu Letefoho ho nia objetivu hamentin estrutura no habelar vizaun partidu CNRT hodi hasoru eleisaun jeral 2012. Iha konsolidasaun ida ne’e Populasaun suku Limeia Sorin Balun sente kontente tamba hetan prezensa alto lideransa husi Partidu CNRT.
Iha intervensaun ba konsolidasaun ida ne’e Presidente Organizasaun Juventude (OJP) Partidu CNRT Zito Matos hatenten katak juventude sai mata dalan no futuru ba Nasaun nian no polítika partidu CNRT hamosu OJP hodi hamahun an iha partidu, importante sai juventude partidu maka haklaken no sai ajente transformador ba desenvolvimentu nasional .
“ Hau nia prezensa nudar presidente OJP iha konsolidasaun ida ne’e atu fahe saida maka visaun no misaun juventude Partidu nian,no husu ba joven sira atu mantein nafatin imi nia pozisaun hamutuk ho Maun Boot Xanana iha eleisaun jeral 2012’’Nia mos hatutan tan katak dala barak juventude maka sempre hasoru dezáfiu no obstaklu ba desenvolvimentu rai ida ne’e, ne’e duni juventude partidu tenke kapasita an iha vida polítika no husu ba inan aman sira atu fó eskola ba nia oan sira no aproveita oportunidade ne’ebé governu kria liu husi edukasaun tamba eskola oin loron la selu.
Liu husi deklarasaun juventude partidu CNRT iha Suku Limeia deklara katak “ Ami juventude partidu CNRT iha Suku Limeia prontu atu suporta Maun Boot Xanana iha eleisaun jeral 2012 no garante CNRT sei hetan votu 100% iha suku ida ne’e”.
Tidak ada komentar:
Posting Komentar