Militante sira husi Leimea Sorin Balun Kontente tamba Ermera Oan ida bele Sai Sekjen iha Partidu CNRT

Monday, 11 July 2011 19:31 Written by Pedro Delfim

Ermera-Militante sira Partidu Kongresu Nasional Rekontrusaun Timor Leste (CNRT) iha Distritu Ermera,Sub-Distritu Letefoho Suku Leimea Sorin balun simu Sekretáriu Jeral Partidu CNRT, Dionisio Babo no Vice Sekretériu Jeral, Jacinto Rigoberto sente kontente tebes tamba iha Ermera oan  ida maka sai hanesan  Sekretáriu Jeral ba Partidu CNRT maka Dr.Dionisio Babo.

Tuir Militante Partidu Congresu Nasional Rekontrusaun Timor Leste (CNRT)  Antóniu da Silva hateten  katak sente orgollu tebes tamba iha Ermera oan rasik mak ohin loron sai hanesan sekretáriu Jeral Partidu CNRT nian mak Maun Dionisio Babo hodi hi’it aan mai fali iha nian rai rasik hodi hare dereitamente kondisaun moris povu nian iha rai Ermera.

“Hau nudar Ermera Oan sente kontenti ka “Banga” tamba iha Ermera oan ida ne’ebé  ohin loron sai hanesan Sekretáriu Jeral  ba Partidu CNRT nian hdi ohin loron hit an mai to’o iha fali nia rai rasik hodi hare nia inan aman sira no mos hanesan ninia militante sira nia moris iha rai Ermera”dehan Antoniu hafoin partisipa  konsolidasaun iha Suku Leimea Sorin Balun Sabadu (09/07) Nia mos informa tan katak iha tempu Indonézia nian ita simu lideransa Partidu Polítiku nian ema husi rai seluk maibe agora ita simu lideransa partidu politiku nian ema Timor no mos hanesan ohin loron ami simu rasik fali ami nian ema hanesan Ermera oan sente Kontente los.

Iha fatin hanesan Ermera Oan sai mos hanesn Sekretáriu Jeral Partidu CNRT Dionisio Babo hodi konta nian Istória Kultura nian katak ohin loron hau hamrik iha fatin ida ne’e hanesan polítiku nain no mos hanesan Ermera oan tamba hau nian Avo feto sai husi Suku ida ne’e,ne’e duni ohin loron hau mai iha fatin ida ne’e hanesan imi nia oan.

“Hau mai fatin ida ne’e hanesan ema polítiku maibe hanesan mos Ermera oan ida atu haklaken tan Programa Partidu CNRT nain ba inan aman sira hotu iha Suku ida ne’e tuir Prinsípiu Paritdu nain ne’ebé Maun Bo’ot Xanana Trasa tiha ona”dehan Babo.

Iha fatin hanesan Vice Sekretáriu Jeral, Jacinto Rigobertu hanesan mos Ermera oan hateten katak  hau hamrik iha fatin ne’e hanesan mos polítiku nain hotu maibe hanesan mos Ermera oan hotu ohin mai hamutuk iha fatin ida ne’e hatudu katak ita ne’e ida deit.

“Hau hanesan ema Ermera oan ida husu ba inan aman sira hotu iha fatin ida ne’e atu mantein imi nia pozisaun hodi kaer metin ita nian Maun Bo’ot Xanana atu bele lori rai no povu ida ne’e hodi ba oin tamba la iha partidu seluk maka iha nian prinsípiu atu hasai povu husi kiak no mukit Uniku CNRT mak bele hasai povu husi kaik no mukit”dehan Jacinto.