Sekjen P-CNRT Fó Pose Ba Koordenador Selkom iha Suku Leimea

by Pedro Delfim

Ermera-Atu hametin estrutura partidu Kongresu Nasional Rekontrusaun Timor Leste (CNRT) iha baze Sábadu foin lalais ne’e liu husi Sekretáriu Jeral Partidu CNRT hodi fó pose ba Koordenador Selkom sira iha Distritu Ermera,Sub-Distritu Letefoho Suku Leimea atu hametin tan estrutura Partidu nian iha baze.

Iha  pose ne’e Sekretáriu Jeral Partidu CNRT Dionísio Soares Babo hateten katak husu sira hotu ne’ebé ohin loron simu ona knar partidu nian atu bele haklaken Misaun no vizaun paritudu nian ba iha militante sira hotu iha baze liu-liu iha Sub-Disritu Letefoho.

“Hau husu ba imi hotu ne’ebe ohin loron simu ona pose atu bele esforsu an hodi haklaken Misaun no Vizaun partidu CNRT nain ba militante sira hotu tuir Prinsípiu Partidu CNRT nian atu nune bele garantia iha eleisaun ba 2012”Dehan Babo iha Konsolidasaun Partidu CNRT nian iha Distritu Ermera,Sub-Distritu Letefoho,Suku Leimea Sorin Balun Sabadu (09/07) Sekjen informa tan katak husu ba inan naman sira hotu iha fatinb ida ne’e atu lalika monu ba politika ne’ebé agora dadaun mosu iha ita nian rai dia ne’e dehan katak sira manan atu hasai ita nian Prezidente Kay Rala Xanana Gusmão husi tahu laran ida ne’e sira hakarak kampanian ita nian preezidente nian naran hodi hetan votus.

“Ita nian maun bo’ot iha nian partidu rasik nusa mak partidu NCRT mak la hasai Maun bo’ot husi tahu laran partidu seluk fali maka atu hasai fali Maun Bo’ot husi tahu laran fali ida ne’e hatudu katak sira hakarak lori ita nian figura nian naran hodi ba halo kampaña hodi hetan votu”dehan Nian.

Iha parte hanesan Vice Sekretáriu Jeral Partidu CNRT Jacinto Rigoberto hateten katak husu ba inan aman sira hotu no militante sira hotu iha fatin ida ne’e atu bele kaer Metin ita nian Maun Bo’ot Xanana tamba nian  mak iha interese bo’ot ba povu ida ne’e la iha ema seluk mak iha interese ba povu ida ne’e.

“Hau hanesan Ermera oan ida hau hakarak husu ba Militante sira hotu iha fatin ida ne’e atu kaer metin ita nian maun bo’ot Xanana tamba nian mak iha interese bo’o ba povu iha rai ida ne’e no ba rai ida ne’e la iha lideransa seluk mak atu hadia rai ida ne’e uniku maun bo’ot xanana deit mak bele hadia povu no rai ida ne’e”dehan Jacinto hafoin fo pose ba koordenador iha Suku Leimea Sorin Balun

Iha parte seluk hanesan Koordenador Partidu CNRT Distritu  Ermera António Carvalho hateten katak  hau fiar katak ho simu pose ne’e CNRT sei manan maiória iha Distritu  Ermera liu-liu iha sub-Distritu Letefohone tamba iha Sub-Distritu Letefoho atu maiória ema CNRT.

“Ami ho estrutura tomak iha Distritu Ermera sei servisu makas hodi garantia ba eleisaun 2012 hau fiar katak 2012 CNRT sei hetan votus ho maiória iha Ermera”dehan Kordenador