DILI-Vice Primeiru Ministru, Jose Luis Guterres ho Ministru Negosiu Estranjeiru, Zacarias Albano da Costa halao inkontru ho nasaun 10 hamutuk ho reprezentante Banku Mundial (World Bank) ho Asia Development Bank (ADB) iha salaun VIP Ministeriu Negosiu Estranjeiru.
Liu husi inkontru nebee lidera direitamente husi Vice Primeiru Ministru, Jose Luis Guterres, Segunda (11/7) nee nasaun 10 hanesan, Singapura, Brazil, Portugal, Australia, Meksiko, Estadus Unidus Amerika, Japaun, Korea, Union Europeia, ho Nova Zelandia prontu atu kontinua ajuda Timor-Leste hodi dezenvolve diak liu tan ba oin liu husi kooperasaun nebee TL halo nasaun sira nee.
Tuir Vice Primeiru Ministru, Jose Luis Guterres ba jornalista hafoin halo inkontru isplika katak iha programa balun nebee nasaun sira nee aprezenta liu husi inkontru nee.
Governu Japaun liu husi inkontru nebee partisipa husi Embaixador Japaun iha Timor-Leste, Iwao Kitahara mos nafatin ho kumprimisiu atu kontinua foo ajuda nafatin ba nasaun Timor-Leste iha area saida deit maka TL presiza.
Konaba komprimisu ajuda
Japaun ba Timor-Leste, tuir Vice PM, Jose Luis Guterres katak Japaun haruka sira ninia adviser iha Timor hodi haree meius ida hodi tulun turismu no infranestrutura. Laos nee deit, Japaun mos iha programa ida para atu ajuda Timor-Leste mak hanesan bee manas iha Marobo, Distritu Bobonaro no iha fatin seluk tan iha Timor hodi dezenvolve sai fatin turismu.
Hanesan ema hotu hatene, hatete Vice PM, Jose Luis, Japaun gosta tebes ho fatin turismu bee manas, nebee natural ho nunee Japaun iha komprimisiu ida atu dezenvolve bee manas nee. “Nebee hau senti ho buat hanesan nee, ita bele kria kondisaun para aban bainrua ita bele dezenvolve potensia turismu,” hatete Vice PM, Jose Luis.
Ho nunee, hatete Vice PM, Jose Luis para Timor mos labele depende deit ba fundu petrolium maibe tenke dezenvolve mos industria sira seluk, hanesna industria turismu nee diak tebes kuandu turista sira komesa vizita Timor, sira mos bele kria ona empregu ba Timor-oan sira.
Fatin hanesan mos inkontru nebee halo ho Embaixadora Estadus Unidus Amerika (EUA), Judith Ryan Fergin mos iha sira ninia komprimisiu atu kontinua foo ajuda nafatin ba Timor-Leste.
Tuir Vice PM, Jose Luis katak EUA desde Timor-Leste hetan independensia, sira komesa ajuda tiha ona iha area dezenvolvimentu. Maibe ajuda nebee EUA foo iha area militar nian maka hanesan vizita roo Mercy Navy nebee mai hodi foo konsulta gratuita ba povu Timor.
“Wainhira sira kuandu mai halo vizita hodi ajuda Timor nee, gasta osan mos barak maibe sira nunka sura, nebee kuandu ita sura hotu ajuda nebee maka EUA, foo laos deit foo ba Timor maibe EUA, kuaze hanesan nasaun nebee foo ajuda ba nasuan barak iha mundu nee,” hatete Vice PM Jose Luis.
Vice PM Jose Luis mos haktuir tan katak, ajuda nebee Amerikanu foo barak ona, maibe tuir Embaixadora liu husi inkontru katak, iha tempu badak sei foo tan bolsu estudu ba Timor-oan nebee hakarak kontinua estudu iha EUA.
“Nebee hau haree ajuda sira nee diak tebes, no EUA mos hakarak kontinua foo apoiu ba dezenvolvementu rural tanba sira mos haree katak Timor-oan sei kiak barak, ho nunee sira prontu ajuda Timor,” deklara Vice PM Jose Luis.
Iha fatin hanesan, inkontru nebee halo ho Meksiko hatete Vice PM, Jose Luis katak ida nee mos importante tebes ba Timor mesmu nasaun Meksiko ninia kooperasuan ho Timor seiduak barak, maibe nasaun nee prontu ajuda iha area vasinasaun no dezenvolve area edukasaun.
Entretantu Ministru Negosiu Estranjeiru, Zacarias Albano da Costa nebee partisipa mos iha inkontru nee, hateten, ajuda barak maka nasaun sira nee sei foo ba Timor.
Hanesan, hatete Ministru Zacarias katak, ajuda material ba labarik oan sira, nebee sei fo husi nasuan Meksiko, nomos sei ajuda iha area edukasaun, hodi halo klean liu tan kooperasaun ho nasaun nee.
Husi parte Banku Mundial (World Bank) ho Asia Development Bank (ADB), tuir Ministru Zacarias, katak, banku rua hela ona iha nasaun Timor kleur no fo ajuda osan nebee boot liu husi programa trust fund ba Timor nebee responsavel ba administra ho total osan U$ 2 biloens ba emerjensia kontrusaun iha tempu UNTAET. “Nebee partisipasaun banku rua nee ba bilateral meeting nee importante tebes,” hatete Ministru Zacarias.
Parte seluk, Timor-Leste Development Partner Meeting (TL DPM) nebee sei realiza Tersa ohin, sei hahu ho diskursu abertura husi Prezidenti Republika, Jose Ramos Horta, Ministru Negosiu Estranjeiru, Zacarias Albano da Costa, no intrudusaun konaba inkontru TLDPM husi Ministra Finansas Emilia Pires.
Tuir kedan ho sesaun aprezentasaun husi Primeiru Ministru, Xanana Gusmão konaba Planu Estratejiku Dezenvolvimentu Nasional (PEDN) 2011-2030. No aprezentasaun husi Prezidente Asia Development Bank (ADB), Haruhiko Kuroda.
Iha fali sesaun aprezentasaun estratejiku seitor iha halo ho Meja Redonda 5 nebee fahe ho seitor ida-idak para bele diskuti klean liu.
Hanesan Meja Redonda 1 sei koalia konaba seitor petrolium ho aprezentasuan husi Sekretariu Estadu Rekursu Naturais, Alfredo Pires ho membru diskusaun husi ANP, Word Bank, ho ONG Luta Hamutuk. Meja Redonda sei koalia konaba dezenvolvimentu agrikultura rural sei iha aprezentasaun husi Ministru Agrikultura Floresta no Peskas, Mariano Assanami ho membru diskusaun FAO (Food and Agricultual Organization), Development Partner, Peace Divident Trust (PDT).
Iha fali Meja Redonda 3 koalia konaba dezenvolvementu seitor turismu aprezentasaun husi MTCI Gil Alves ho membru diskusaun CCITL, ETDA, development partner. No Meja Redonda 4 koalia konaba investimentu finansas bankaria no sei aprezenta husi MED, João Gonçalves ho membru diskusaun, ANZ, BPA, ONG Moris Rasik.
Ikus liu maka Meja Redonda 5 sei koalia konaba dezenvolvementu seitor infranestrutura sei aprezenta husi MI, Pedro Lay ho membru diskusaun ADB, JICA, CCITL area Infrastrutura. No Meja Redonda 6 sei koalia konaba Seitor Sosial sei aprezenta husi Ministru Edukasaun ho membru diskuasaun UNCEF, WHO, UNTL, Prezidente Funsaun Publika. No tuir planu inkontru nee sei taka husi Primeiru Ministru Xanana Gusmão. arm/jin
Tuir Vice Primeiru Ministru, Jose Luis Guterres ba jornalista hafoin halo inkontru isplika katak iha programa balun nebee nasaun sira nee aprezenta liu husi inkontru nee.
Governu Japaun liu husi inkontru nebee partisipa husi Embaixador Japaun iha Timor-Leste, Iwao Kitahara mos nafatin ho kumprimisiu atu kontinua foo ajuda nafatin ba nasaun Timor-Leste iha area saida deit maka TL presiza.
Konaba komprimisu ajuda
Japaun ba Timor-Leste, tuir Vice PM, Jose Luis Guterres katak Japaun haruka sira ninia adviser iha Timor hodi haree meius ida hodi tulun turismu no infranestrutura. Laos nee deit, Japaun mos iha programa ida para atu ajuda Timor-Leste mak hanesan bee manas iha Marobo, Distritu Bobonaro no iha fatin seluk tan iha Timor hodi dezenvolve sai fatin turismu.
Hanesan ema hotu hatene, hatete Vice PM, Jose Luis, Japaun gosta tebes ho fatin turismu bee manas, nebee natural ho nunee Japaun iha komprimisiu ida atu dezenvolve bee manas nee. “Nebee hau senti ho buat hanesan nee, ita bele kria kondisaun para aban bainrua ita bele dezenvolve potensia turismu,” hatete Vice PM, Jose Luis.
Ho nunee, hatete Vice PM, Jose Luis para Timor mos labele depende deit ba fundu petrolium maibe tenke dezenvolve mos industria sira seluk, hanesna industria turismu nee diak tebes kuandu turista sira komesa vizita Timor, sira mos bele kria ona empregu ba Timor-oan sira.
Fatin hanesan mos inkontru nebee halo ho Embaixadora Estadus Unidus Amerika (EUA), Judith Ryan Fergin mos iha sira ninia komprimisiu atu kontinua foo ajuda nafatin ba Timor-Leste.
Tuir Vice PM, Jose Luis katak EUA desde Timor-Leste hetan independensia, sira komesa ajuda tiha ona iha area dezenvolvimentu. Maibe ajuda nebee EUA foo iha area militar nian maka hanesan vizita roo Mercy Navy nebee mai hodi foo konsulta gratuita ba povu Timor.
“Wainhira sira kuandu mai halo vizita hodi ajuda Timor nee, gasta osan mos barak maibe sira nunka sura, nebee kuandu ita sura hotu ajuda nebee maka EUA, foo laos deit foo ba Timor maibe EUA, kuaze hanesan nasaun nebee foo ajuda ba nasuan barak iha mundu nee,” hatete Vice PM Jose Luis.
Vice PM Jose Luis mos haktuir tan katak, ajuda nebee Amerikanu foo barak ona, maibe tuir Embaixadora liu husi inkontru katak, iha tempu badak sei foo tan bolsu estudu ba Timor-oan nebee hakarak kontinua estudu iha EUA.
“Nebee hau haree ajuda sira nee diak tebes, no EUA mos hakarak kontinua foo apoiu ba dezenvolvementu rural tanba sira mos haree katak Timor-oan sei kiak barak, ho nunee sira prontu ajuda Timor,” deklara Vice PM Jose Luis.
Iha fatin hanesan, inkontru nebee halo ho Meksiko hatete Vice PM, Jose Luis katak ida nee mos importante tebes ba Timor mesmu nasaun Meksiko ninia kooperasuan ho Timor seiduak barak, maibe nasaun nee prontu ajuda iha area vasinasaun no dezenvolve area edukasaun.
Entretantu Ministru Negosiu Estranjeiru, Zacarias Albano da Costa nebee partisipa mos iha inkontru nee, hateten, ajuda barak maka nasaun sira nee sei foo ba Timor.
Hanesan, hatete Ministru Zacarias katak, ajuda material ba labarik oan sira, nebee sei fo husi nasuan Meksiko, nomos sei ajuda iha area edukasaun, hodi halo klean liu tan kooperasaun ho nasaun nee.
Husi parte Banku Mundial (World Bank) ho Asia Development Bank (ADB), tuir Ministru Zacarias, katak, banku rua hela ona iha nasaun Timor kleur no fo ajuda osan nebee boot liu husi programa trust fund ba Timor nebee responsavel ba administra ho total osan U$ 2 biloens ba emerjensia kontrusaun iha tempu UNTAET. “Nebee partisipasaun banku rua nee ba bilateral meeting nee importante tebes,” hatete Ministru Zacarias.
Parte seluk, Timor-Leste Development Partner Meeting (TL DPM) nebee sei realiza Tersa ohin, sei hahu ho diskursu abertura husi Prezidenti Republika, Jose Ramos Horta, Ministru Negosiu Estranjeiru, Zacarias Albano da Costa, no intrudusaun konaba inkontru TLDPM husi Ministra Finansas Emilia Pires.
Tuir kedan ho sesaun aprezentasaun husi Primeiru Ministru, Xanana Gusmão konaba Planu Estratejiku Dezenvolvimentu Nasional (PEDN) 2011-2030. No aprezentasaun husi Prezidente Asia Development Bank (ADB), Haruhiko Kuroda.
Iha fali sesaun aprezentasaun estratejiku seitor iha halo ho Meja Redonda 5 nebee fahe ho seitor ida-idak para bele diskuti klean liu.
Hanesan Meja Redonda 1 sei koalia konaba seitor petrolium ho aprezentasuan husi Sekretariu Estadu Rekursu Naturais, Alfredo Pires ho membru diskusaun husi ANP, Word Bank, ho ONG Luta Hamutuk. Meja Redonda sei koalia konaba dezenvolvimentu agrikultura rural sei iha aprezentasaun husi Ministru Agrikultura Floresta no Peskas, Mariano Assanami ho membru diskusaun FAO (Food and Agricultual Organization), Development Partner, Peace Divident Trust (PDT).
Iha fali Meja Redonda 3 koalia konaba dezenvolvementu seitor turismu aprezentasaun husi MTCI Gil Alves ho membru diskusaun CCITL, ETDA, development partner. No Meja Redonda 4 koalia konaba investimentu finansas bankaria no sei aprezenta husi MED, João Gonçalves ho membru diskusaun, ANZ, BPA, ONG Moris Rasik.
Ikus liu maka Meja Redonda 5 sei koalia konaba dezenvolvementu seitor infranestrutura sei aprezenta husi MI, Pedro Lay ho membru diskusaun ADB, JICA, CCITL area Infrastrutura. No Meja Redonda 6 sei koalia konaba Seitor Sosial sei aprezenta husi Ministru Edukasaun ho membru diskuasaun UNCEF, WHO, UNTL, Prezidente Funsaun Publika. No tuir planu inkontru nee sei taka husi Primeiru Ministru Xanana Gusmão. arm/jin
Tidak ada komentar:
Posting Komentar