Manatuto -Iha loron Sesta-Feira, 15 Fulan Jullu tinan 2011, iha suk Sau – Obrato, Primeiru Ministru akompaña husi Ministru Agrikultura no Peska sira ,Sr. Mariano Assanami Sabino, Deputada Brígida Correia, Embaxador Xina ba Timor Leste, Vise Prezidente Compañia Híbrida “High-tech”, hala’o koileta hare Híbrida iha obrato-Distritu Manatuto.Tuir relatóriu ne’ebé hato’o husi Diretor Servisu Agrikultura no peska sira Distritu Manatuto nian dehan katak, total área hare Híbrida iha Distritu Manatuto hamutuk 200 hektar, rezultadu kada hektar 10 tonelada (10t/ha).
Iha lia fuan badak husi Embaxador xina hateten katak tuir Planu Estratéjiku ba Dezenvolvimentu Nasional (PEDN) ne’ebé foin lalais ne’e Primeiru Ministru, kay Rala Xanana Gusmão hato’o iha Parlementu Nasional no mos ba Doador sira iha Dili foin lalais ne’e fokus liu ba setor Agrikultura, tamba Agrikultura maka sai fator importante ba future Nasaun ida ne’e.
Lia hirak ne’e haforsa tan husi Primeiru Ministru iha ninia diskursu, iha Primeiru Ministru ninia diskursu hare liu ba Seguransa Ai-han (Food Security), sai hanesan fator importante iha Timor Leste, iha biban ida ne’e Primeiru Ministru mos husu ba kompañia Xina Híbrida “High-teck”, atu habelar programa Híbrida ba sub-distritu sira seluk hanesan, Lacló nomos Laleia, labele iha deit Manatuto.Iha tempu hanesan, Ministru Agrikultura no Peska sira, MarianoAsanami Sabino hato’o mos katak Ministériu Agrikultura haruka ona membru hamutuk 31 ba tuir ona treinamentu iha xina konaba Híbrida.
Ita espera katak, ita (Timor Leste) bele habarak ona fini híbrida, nune’e iha tempu oin mai ita lalika husu ona husi liur (Importa) fini Híbrida husi nasaun seluk.
Tidak ada komentar:
Posting Komentar