Komunidade Aikurus husu ba Lideransa CNRT sira atu tau matan ba Aikurus atu bele sai suku Foun ida.

Dili-Komunidade Aikurus husu ba Lideransa Partidu CNRT katak bainhira PartiduCNRT kaer ukun mesak iha 2012 ,Aikurus tenke sai suku foun ida tamba iha tempu klandestina ,Aikurus sai hanesan suku ida maibe wainhira ukun an Aikurus la’os sai Suku maibe Aikurus sai fali Aldeia.

Tuir komunidade Aikurus, Domingos da Costa hateten katak husu ba lideransa Partidu Politiku hotu-hotu liu-liu Lideransa Paritidu CNRT atu bele tau matan ba komunidade Aikurus bainhira Partidu CNRT kaer ukun iha 2012, Aikurus hakarak sai suku foun ida.

“Ami husu ba lideransa Partidu Politiku hotu-hotu liu-liu lideransa Partidu CNRT bainhira kaer ukun iha 2012 , Aikurus tenke sai suku foun tamba iha tempu klandestina Aikurus sai hanesan Suku ida maibe hetan tiha ukun an, AIkurus sai hanesan Aldeia”dehan Domingos hafoin partisipa iha konsolidasaun Partidu CNRT iha Suku Tulataqueu, Sub-Distritu Remexio ,Distritu Aileu, iha Sábadu (05/06)

Iha parte seluk, hanesan Xefi Suku Tulataqueu Adolfo Mendonça hateten katak iha 2012 ,Aikurus atu sai suku ida komunidade sira tenke fiar malu no iha unidade tamba atu sai suku ida la’os derepente deit sai suku ida ona maibe tenke kria unidade iha suku laran.

“Ita atu harii suku foun ida iha Aikurus , ne’e la’os depende ba ukun nain sira maibe ita komunidade sira mak tenke kria uluk unidade no respeita malu , fiar malu iha suku laran depois mak ita nia lideransa sira bele hare ida ne’e, bele atu sai suku ka lae ,maibe, primeiru husi ita komunidade rasik”dehan Adolfo hafoin partisipa iha konsolidasaun Partidu CNRT iha Suku Tulataqueu ,Sub-Distritu Remexio ,Distritu Aileu , iha Sábadu (05/06)

Hatan ba kestaun ne’e Vise Prezidente Partidu CNRT Virgilio Smith hateten katak Aikurus atu sai suku ida la’os depende ba lideransa sira maibe importante mak komunidade sira tenke respeita malu no fiar malu ,tenke kria paz no establidade iha suku laran.

“Ita atu harii suku ida la’os atu depende ba lideransa sira deit maibe komunidade sira mos tenke iha unidade no kria estabilidade iha suku laran no tenke fiar malu atu nune’e sai karik suku foun, ida ne’e bele la’o ba oin” dehan Smith hafoin halo konsolidasaun iha Suku Tulataqueu, Sub-Distritu Remexio, Distritu Aileu, iha Sábadu (05/06

http://www.partidocnrt.com/index.php?option=com_content&view=article&id=216:komunidade-aikurus-husu-ba-lideransa-cnrt-sira-atu-tau-matan-ba-aikurus-atu-bele-sai-suku-foun-ida&catid=29:notisia-cnrt&Itemid=154