Aicurus- Partidu CNRT hanesan Partidu ida ne’ebé ho nia prinsípiu katak hakuakba ema hotu no hametin Unidade Nasional, iha Sábadu foin dadauk ne’e ,PartiduCNRT simu tan MIlitante sira husi Partidu Hat (4) mak hanesan Partidu Fretilin,ASDT,PD,PSD halo afiliasaun mai CNRT.
Tuir Sekretáriu Jeral Partidu CNRT, Dionisio Babo hateten katak Partidu CNRT iha nia prinsípiu rasik atu hakuak ba ema hotu no la taka dalan ba militante sira , se deit husi partidu ne’ebé deit maka atu halo afiliasaun mai Partidu CNRT no Partidu CNRT mos la taka dalan ba nia militante sira atu sai husi partidu ida ne’e.
“Partidu CNRT iha nia prinsípiu rasik atu hakuak ba ema hotu no tenke respeitu malu hanesan ema Timor oan hotu la’os atu halo diskriminasaun ba malu atu nune’e ita bele alkansa ba dezenvolvimentu ba rai ida ne’e”.
Dehan Dionisio hafoin partisipa iha konsolidasaun Partidu CNRT ba iha afiliasaun Partidu Fretilin,ASDT,PD,PSD iha Suku Tulataqueu Sub-Distritu Remexio ,Disrtritu AIleu iha Sábadu (04/06)
Nia mos informa tan katak Partidu CNRT nafatin Respeitu no fo valorizasaun ba Rezisténsia no Veteranu sira nia direitu hodi luta ba rai ida ne’e hodi ohin loron hetan independénsia.
Iha fatin seluk, hanesan Koordenador Partidu Fretilin Gaspar do Rego hateten katak hau halo afiliasaun ba Partidu CNRT tamba Partidu CNRT nia pograma diak liu no tun ba baze la’os atu halo promesa ba povu maibe nia ba atu halo nia programa.
“Hau halo afaliasaun ba Partidu CNRT tamba Partidu CNRT mak iha duni nia interese bo’ot ba rai ida ne’e no ba povu iha rai ne’e no Partidu CNRT iha nia prinsipiu rasik ne’ebé hateten katak“HO CNRT LIBERTA ONA RAI NO HO CNRT ATU LIBERTA POVU” ida ne’e mak prinsipiu fundamental Partidu CNRT nia”dehan Gaspar hafoin halo afiliasaun ba Partidu CNRT iha Aicurus.
Nia fatin hanesan Koordenador Partidu Demokrátiku (PD) Alexandre Mendonsa hateten katak hau halo afiliasaun ba Partidu CNRT ho razaun tamba Partidu CNRT mak úniku atu hasai povu husi kiak no mukit no interese bo’ot ba rai ida ne’e no ba povu iha rai ida ne’e
Tidak ada komentar:
Posting Komentar