Jornal Nacional Diário - Segunda, 20 Juñu 2011
Dili-“Lelnok ba ema hotu (LABEH) hatete katak, Primeiru Ministru (PM) Xanana Gusmão hanesan subrinha ba Ministru sira tan ne’e nia ses an Ministru sira sei bokon.
“Ami fiar katak, hotu-hotu ne’ebé iha Governu Aliansa Maioria Parlamentar ba subar iha sumrina (payung) Xanana Gusmao nian, LABEH fiar katak, loron ida paying ne’e sei ses no sira sei bokon hotu,” haklaken director Ezekutif LABEH, Christopher Henry Samson ba
Jornalista Diario iha Hotel Timor, sesta (17/06), relasiona ho deklarasaun Primeiru Ministru ne’ebe hateten nia Ministru sira matan fuan bot deit ba osan, servisu la lao.
Tuir Christopher, nia hanoin Ministru sira no Sekretariu Estadu sira kompriende lolos katak, PM Xanana Gusmao sai xefi revizaun ba orsamentu estado nian, i nia hateten katak, nini membru Governu barak mak mata fuan bot ba osan.
Nia hatutan, Ministru sira labele nega matan fuan bot ba osan, ne’eduni sira tenki hatudu vontade servisu i labele dehan katak, primeiru Ministru bosok maibe ne’e realidade, tanba povo hatene katak, Ministru balun iha duni hahalok ladiak.
“Ita koalia hanesan ne’e, tanba Ministru sira la hela mesak, maibe sira hela iha Bairo ida, povu haree katak, uluk sira seidauk sai ministru sira nia kondisaun ne’e oinsa, i agora sira sai tiha ministru sira nia kondisaun ne’e povo mos hatene, ne’ebe sira labele hateten Primeiru Ministru mak sala, tanba povu mos haree hela mudansa extraordinaria iha sira nia lalaok loro-loron nian,” hateten Crhistopher.
Christopher hatutan, LABEH nia hare katak, deklarasaun Primeiru Ministru nia ne’e mai ho evidensia ne’ebé forte no evidensia ne’ebe los, tanba ne’e Ministru sira tenki hatudu servisu ne’ebe diak nolos,” dehan Christopher. das
Tidak ada komentar:
Posting Komentar