HERA–Secretario Estadu Electricidade, Agua e Urbanizasaun (SEEAU) Arch. Januario Pereira atende misa ne’ebe organiza husi kompanha Puri Akraya Engineering Limited husi Indonesia. Kompanhia ne’e agora dadaun halao hela projetu konstrusaun ba aliserse jeradores hitu (7) ne’ebe sei monta iha sentral electric Olio Pezadu Hera, Dili, Tersa (14/6).
Sentidu husi misa, atu fo bensaun ba fatin projetu konstrusaun aliserse jeradores nune’e trabalhadores hirak ne’ebe halao hela sira nia kna’ar iha fatin ne’eba, la hetan dezastre no projetu bele lao diak tuir planu no dezenhu ne’ebe planeadu ona husi governu lideradu husi Primeiru Ministru, Kay Rala Xanana Gusmão bele halao diak to’o projetu ne’e remata.
Misa diriji husi Padre Augusto Campos, CMF no Diakonu Paul Madoni, CMF husi kongregasaun Claretiana, partisipa husi trabalhadores husi rai Indonesia, Filipina, Finlandia, China, nune’e mos engineirus Timor oan ne’ebe durante ne’e halao hela sira nia knar hodi konstrui Sentral Electico Olio Pezadu Hera.
Misa iha lingua Tetum maibe homilia ho lingua inglesa tamba partisipa iha misa maioria ema estranjeirus ne’ebe hatene lingua ingles husi diakonu Paul Madoni, CMF ho refleksaun liafuan murak Love ka Domin foti husi Biblia Lulik.
“Ita halibur malu iha fatin ne’e husi nasaun barak, Filipina, Finlandia, Italia, Indonesia, Republica Popular China no Timor oan rasik hanesan rai nai’n atu konstrui rai ki’ik ida ne’e iha area electricidade. Entre ita ida-idak fo kontribuisaun ho ita nian talenta, ho ita nian experiencia, ho ita nian matenek no ho ita nian skills ba povu no nasaun Timor Lorosa’e nian diak,” katak Diakonu Paul Madoni, CMF iha nia homilia.
“Komunidade internasional halibur malu iha fatin ne’e atu implementa no fahe Domin ba Timor oan sira nian diak hanesan Jesus Kristu hanorin atu fahe domin ba malu seim limite liu husi kualker maneiras hanesan refleksaun boot ba ema hotu hodi banati tuir Biblia Sagradu nia doutrina ba prosperiedade Timor nian iha futuru. Prezensa komunidade internacional iha fatin ne’e hanesan fahe domin ba malu ba ema barak nian diak iha Timor Lorosa’e,” Diakonu Paul hatutan teni.
Iha fatin hanesan, hafoin misa remata Pe. Augusto Campos wainhira fo bensaun ba edificio no fatin projetu aliserse ba jeradores iha sentral electric Hera hateten “Ho Nai Maromak nian prezensa no bensaun iha fatin ida ne’e! fatin ne’e bensidu hodi asegura trabalhadores sira bele halao sira nian servisu ho isin diak nune’e Timor oan sira bele hetan benefisiu husi projeitus ne’e iha futuru,” katak Pe. Augusto, haleu edificiu no fatin konstrusaun aliserse sentru electrico hodi fo bensaun ba fatin ne’eba akompanhadu husi SEEAU, Arch. Januario Pereira hamutuk lideransas kompanha Puri Akraya Engineering Limited ho nia staff tomak no engineirus Timor oan sira ne’ebe durante ne’e sai konsultan ba projetu Olio Pezadu.
SEEAU Januario Pereira hateten, seremonia misa no bensaun ba fatin konstrusaun aliserse jeradores sentral electric Hera hanesan tradisaun ema Katoliku nian wainhira halao servisu ida tenki hetan bensaun husi Nai Maromak, nune’e trabalhadores hirak ne’ebe servisu iha ne’e bele hetan grasas, nune’e projetu bele lao diak.
“Seremonia ohin hola parte historia konstrusaun Sentral Electrico Olio Pezadu iha Hera tamba hanesan tradisaun ema Katolika no fiar nain nian atu projetus ne’e bele lao diak, trabalhadores sira mos sei la hetan desastre durante servisu, tamba hetan ona grasa no bensa,” katak Januario. mik
Misa diriji husi Padre Augusto Campos, CMF no Diakonu Paul Madoni, CMF husi kongregasaun Claretiana, partisipa husi trabalhadores husi rai Indonesia, Filipina, Finlandia, China, nune’e mos engineirus Timor oan ne’ebe durante ne’e halao hela sira nia knar hodi konstrui Sentral Electico Olio Pezadu Hera.
Misa iha lingua Tetum maibe homilia ho lingua inglesa tamba partisipa iha misa maioria ema estranjeirus ne’ebe hatene lingua ingles husi diakonu Paul Madoni, CMF ho refleksaun liafuan murak Love ka Domin foti husi Biblia Lulik.
“Ita halibur malu iha fatin ne’e husi nasaun barak, Filipina, Finlandia, Italia, Indonesia, Republica Popular China no Timor oan rasik hanesan rai nai’n atu konstrui rai ki’ik ida ne’e iha area electricidade. Entre ita ida-idak fo kontribuisaun ho ita nian talenta, ho ita nian experiencia, ho ita nian matenek no ho ita nian skills ba povu no nasaun Timor Lorosa’e nian diak,” katak Diakonu Paul Madoni, CMF iha nia homilia.
“Komunidade internasional halibur malu iha fatin ne’e atu implementa no fahe Domin ba Timor oan sira nian diak hanesan Jesus Kristu hanorin atu fahe domin ba malu seim limite liu husi kualker maneiras hanesan refleksaun boot ba ema hotu hodi banati tuir Biblia Sagradu nia doutrina ba prosperiedade Timor nian iha futuru. Prezensa komunidade internacional iha fatin ne’e hanesan fahe domin ba malu ba ema barak nian diak iha Timor Lorosa’e,” Diakonu Paul hatutan teni.
Iha fatin hanesan, hafoin misa remata Pe. Augusto Campos wainhira fo bensaun ba edificio no fatin projetu aliserse ba jeradores iha sentral electric Hera hateten “Ho Nai Maromak nian prezensa no bensaun iha fatin ida ne’e! fatin ne’e bensidu hodi asegura trabalhadores sira bele halao sira nian servisu ho isin diak nune’e Timor oan sira bele hetan benefisiu husi projeitus ne’e iha futuru,” katak Pe. Augusto, haleu edificiu no fatin konstrusaun aliserse sentru electrico hodi fo bensaun ba fatin ne’eba akompanhadu husi SEEAU, Arch. Januario Pereira hamutuk lideransas kompanha Puri Akraya Engineering Limited ho nia staff tomak no engineirus Timor oan sira ne’ebe durante ne’e sai konsultan ba projetu Olio Pezadu.
SEEAU Januario Pereira hateten, seremonia misa no bensaun ba fatin konstrusaun aliserse jeradores sentral electric Hera hanesan tradisaun ema Katoliku nian wainhira halao servisu ida tenki hetan bensaun husi Nai Maromak, nune’e trabalhadores hirak ne’ebe servisu iha ne’e bele hetan grasas, nune’e projetu bele lao diak.
“Seremonia ohin hola parte historia konstrusaun Sentral Electrico Olio Pezadu iha Hera tamba hanesan tradisaun ema Katolika no fiar nain nian atu projetus ne’e bele lao diak, trabalhadores sira mos sei la hetan desastre durante servisu, tamba hetan ona grasa no bensa,” katak Januario. mik
Tidak ada komentar:
Posting Komentar