LU-OLO FRUSTRADU: FRETILIN MAMUK ONA IHA PARTE WESTE TIMOR NIAN

Timor Doben Furak - Kinta, 02 Juñu 2011

Prezidente Partidu FRETILIN Francisco Guterres Lu-Olo halo kampanha iha fatin ida nebé militantes la to'o 50 pessoas mak atende. Iha ambiente besik frustradu, Lu-Olo rekonhese katak ema barak la ba tanba Partido seluk hanesan CNRT ho PD hadau hotu Fretilin nia massa.

“Ha’u hakarak responde iha imi hotu nia oin atu rona saida mak oras ne’e dadaun bosok ten sira sei mai bosok nafatin imi tamba atu hakat ba eleisaun jeral 2012, FRETILIN mak militante nia mahon,”hateten Lu-Olo iha konsolidasaun Partidu ne’ebe hala’o iha Sub Distritu Maliana, Distrito Bobonaro, Sabadu (28/5). Hau mos hakarak hatete ba imi “lalika tauk tanba ema laiha, tanba partidu bosokten sira mai lohi imi hodi tama fali ba sira nia partidu”.

Nia dehan konsolidasaun ne’e tempu ida ba militante no simpatizantes FRETILIN atu iha korazen hodi hadi’a an atu lao ba oin iha eleisaun jeral.  Tanba né maske iha Maliana ho parte seluk iha Timor laran, Fretilin nia ema komessa menus no laiha ona, simpatizantes sira labele hakfodak, tanba ema seluk lori manipulasaun.

“Hau husu ba Camarada sira atu prepara ita nia an para fo vida ba ita nia partidu ne’e liu husi prosesu demokratiku ne’ebe mak iha partidu nia laran,”Lu-Olo sujere.

Hanesan ita hotu hatene, Fretilin nia baze iha parte rai-klaran no parte weste Timor nian, lakon hotu ona baze no ema la fiar tanba deit Mari-Lo nia performa iha krize 2006/2007. Fretilin agora iha problema barak nebé sira enfrenta.

Iha seman kotu iha Padiai, Oekussi, Fretilin aleje katak ema PD nian tama hotu oan ba sira, no jornal TIMOR POST (1/6), nebé agora sai porta-voz Fretilin nian, hatun destake hodi hatete katak estrutura PD Oekussi afilia ona ba CNRT. Presidente PD, Lasama de Araújo nebé tun ba Oekussi iha Segunda liu ba, hetan konfirmasaun katak estrutura PD Oekussi metin nafatin no la nakadoko.

Interessante liu tan, ema nebé ba hamutuk iha Padiai, hamutuk la to’o 30 pessoas, no la entuziasmu, mesmo ke Mari Alkatiri rasik mak tun ba iha neba.

Iha Maliana, Sekretariu Jeral Adjuntu FRETILIN Jose Reis rekonhese katak ema barak sei konfundi konsolidasaun no kampanha tanba konsolidasaun halibur hamutuk halo festa. “Ema balun konfundi ho ita nia konsolidasaun no kampanha tamba ema barak dehan ita tama ona iha kampana, lae, ne’e konsolidasaun tanba rejultadu ita nia servisu,”nia afirma. Tanba né sira tauk la ba, tanba sira rasik pretense pa Partidu seluk ona.”

Jose Reis husu ba militante sira labele konfunde konsolidasaun ho kampana eleitoral, Tuir Jose Reis kampana ne’e seidauk to’o maibe sira prepara hela atu tama ba kampana konsolidasaun.Tuir Antonio Verdial "Fretilin nia ema iha parte rai-klaran ho Loromonu laiha ona, agora ne sira mai bosok deit povo". Tuir Verdial, povu Maliana nian ida, "sira baruk ona ho Fretilin nia propaganda bosokten tina ba tinan. Sira lakohi ona moris iha terus laran hamutuk ho Fretilin nebe Mari-Lu mak lidera. Fretilin nia militantes laiha ona", tenin kia.

Tuir Marcos Xavier, CNRT nia vice Cordenador iha Distrito, Fretilin laiha ona isin-klamar iha Maliana. “Hare deit ba iha konsolidasaun Fretilin né, ema ida mos la ba, ema balun hosi Fretilin rasik maka ba finze tau fali naran hanesan militantes PUN, PD, no PSD hodi halo deklarasaun politika katak sira lori militante husi partidu tolu né hodi afilia ba FRETILIN”. Tuir lolos tanba frustradu ona, maske sira nia Presidente mak tun rasik, “sira barani ba halo teatru Triste boot hodi dehan ema partidu seluk mak tama”, padahal ema partidu seluk hare sira hamanasa los”, tenik Marcos.