Dili-Prezidente Komisaun D Parlamentu Nasional kontra maka’as politika Ministériu Agrikultura no Peskas hodi fó kontratu ba Kompaña Estrangeira sira atu tesi Ai iha Teritóriu Timor laran. Relasiona ho loron 12, fulan Janeiru, tinan 2011 MAFP fó kontratu ba kompaña “New Global Timber PTI LTD” hodi ket i ai iha Teritóriu Timor laran atu hala’o explorasaun no uza iha rai laran.
Ai sira ne’ebé atu haruka kompaña tesi maka hanesan Ai Teka(Tectona grandis), Ai Na’a(Ptercarpus indicus), Ai Ruh(Eukalyptusdegluta), Ai Bubur(Eucalyptus alba), Ai Samatuku(Albizia falkataria), Ai Kakeu, Ai Sukaer, Rotan, no Au.
Tuir Deputada Brigida Correia, nudar Prezidente Komisaun D ba asuntu Agrikultura Peskas, Floresta, Rekursu Natural sira no Meiu Ambiente hateten katak maske nia Deputada AMP nian maibe nia sei kontra maka’as dezisaun husi MAFP hodi fó kontratu ba kompaña estrangeira atu tesi arbiru deit iha Teritóriu laran tomak.
“Maske hau ne’e Deputada husi bankada AMP nian maibe hau kontra maka’as politika MAFP hodi fó kontratu ba kompaña estrangeiru ida atu tesi ai iha Teritóriu laran tomak hala’o exportasaun ba rai liur no rai laran.
Tamba tinan-tinan orsamentu ne’ebé maka aloka ba Ministériu Agrikultura no Peskas liu-liu ba floresta ninianminimu tebes no bebeiru ka kantareru florestal sira nian ne’ebé maka iha ami hala’o Fiskalizaun mos kondisaun ladiak, ai oan atu kuda fali mos laiha” Dehan Brigida Correia ba jornalista sira , Tersa-Feira(14/06/11) iha Parlamentu Nasional.
Deputada ne’e mos husu ba MAP liu-liu Sekretáriu Estadu Árvore no kultura atu dada hikas fali akordu ne’ebé sira hala’o tiha iha fulan Janeiru liu ba, ita nia ema guarda florestal nian mos sei limitadu nain ida toma konta ba distritu ida.
“Hau husu ba Sekretáriu Estadu Árvore no kultura atu dada hikas fali asina akordu ne’ebé sira hala’o tiha ona iha fulan Janeiru liu ba, tamba ita nia guarda florestal deit mos menus, ema ida deit maka toma konta ba distritu ida sae tan atu ba kontrola kompaña sira ne’e bainhira sira tesi “ dehan nia
Nia haktuir liu tan bainhira ita hala’o asina akordu ida ne’ebé emerjénsia ikus sei impaktu bo’ot ba ita nia komunidade sira tamba iha udan, Estrada be’e sobu , rai halai, buat sira ne’e hotu impaktu husi tesi ai arbiru.
Iha parte seluk ,Deputadu Paulo Martins hateten katak ai sira ne’ebé maka Ministériu Agrikultura Floresta no Peskas haruka kompaña atu tesi ne’e sei fó impaktu negativu mai ita tamba agora dadaun ai horis maka benefisiu bo’ot mai hanesan fó oksigen no tahan netik rai bainihira iha inudasaun ruma.
“Ai sira ne’ebé maka Ministériu Agrikultura Florestal no Peskas haruka Kompaña atu tesi ne’e iha futuru bele fó impaktu negativu mai ita tamba agora dadaun ne’e ai horis maka fó benfisiu mai ita tamba ita nia mina rai loron ida sei maran maibe ai sira ne’e bainhira ita kuidadu didiak kaer rai metin iha inudasaun ruma karik, fó oksigen mai ita bainhira to’o tempu maka tesi, la’os hanesan agora dadaun fó kontratu ba kompaña atu tesi ne’e sira lere deit” dehan Paulo Martins.
Tidak ada komentar:
Posting Komentar