Jornal Nacional Diário - Sesta, 06 Maio 2011
Dili - Sekretariu Estadu Rekursu Naturais, Alfredo Pires hateten, bainhira Presidente Republika propoin Marí Alkatiri atu tama iha negosiasaun Pipeline, ne’e politiku oituan i Governu sei mantein nafatin prosesu negosiasaun ne’ebe oras ne’e lao tiha ona.
“Prosesu negosiasaun liu husi IV Governu konstitusional ne’e kontinua nafatin ho ninia prosesu seluk atu iha involvimentu husi entidade sira seluk, ne’e prosesu seluk, prosesu ne’ebe iha aspektu politiku oituan,”katak Alfredo Pires ba Jornalista Diario, Kinta (5/5), hafoin hasoru PM Xanana Gusmao.
Alfredo Pires haktuir, nudar sekretariu estadu Rekursu Naturais ne’ebe mai husi Governu Aliansa Maioria Parlamentar (AMP), bainhira iha hanoin hanesan ne’e, sira mos presiza rona hanoin husi parte sira seluk, “Bah au rasik mak ne’e, ami sei kontinua nafatin ho prosesu ne’ebe ami iha ona, ami fiar bele lori to’o rohan, asuntu seluk ne’epolitiku oituan I hau rasik laiha tempu atu hare asuntu ida ne’e,”dehan Alfredo Pires.
Sekretariu estadu Rekursu Naturais ne’e koalia, Timor Leste nudar rai ida ke soberania, ema hotu iha direitu atu hato’o sira nia hanoin bele resolve asuntu ne’e.
“Maibe sekretariu Estado ne’ebe mai husi Governu AMP, ami sei kontinua ho prosesu ne’ebe lao tiha ona ho 100% ita sei lori to’o rohan, ne’e hanoin Presidente Repúblika nian ne’e politiku oituan,”hatutan Alfredo Pires.das
Tidak ada komentar:
Posting Komentar