Dili – Partido CNRT iha Segundo kongreso ba tinan ida ne’e nakloke a’an hodi simu membro partido seluk nebe hakarak kontribui ba desenvolvimento Timoir Leste liu husi partido CNRT.
Sekretario jeral partidu CNRT Deonisio Babo hateten, partidu CNRT nakloke ba ema hotu, tamba mesak Timor oan. Maibe tuir Dinisio Babo sekarik iha ema ruma tur iha estrutura partido seluk no hakarak sai militante partido CNRT tengki deklara a’an. Tamba statuto partido CNRT mak haruka.
Lia fuan Dinisio Babo nian ne’e, hodi responde membro balun husi partido seluk nebe afilia ba partido CNRT hodi partisipa iha kongreso CNRT ba dala rua nebe halao iha Centro Konfensaun Dili.
Eis Presidente Partido Sosial Timorense – PST, Nelson Correia nebe sai Delegado iha Segundo kongreso CNRT hateten, tama partido CNRT tamba hakarak kontribui hodi prepara international Conference nebe ba futuru Timor Leste atu halo adesaun ba membro ASEAN.
“involve a’an iha partido CNRT laos hau mesak, maibe lideransa husi partidu barak mos hola parte, atu fo kontribuisaun ba malu”. Dehan Nelson Correia.
Intertanto tuir Nelson Correia, tama iha partido CNRT, hola parte iha Departemento Relasaun Nasional no Profesional hodi prepara buat balun hodi kontribui ba futuru Timor Leste nian.
Dionisio Babo hatutan, CNRT hamrik atu hakuak ema hotu, tamba tuir ba hanoin Presidente CNRT Maun Boot Kay Rala Xanana Gusmão , nebe hakarak hakoak ema hotu, la-hare ba nia mai husi nebe. Tamba ne’e tuir Dionisia Babo nia la-bele bandu ema atu mai tama iha partido nebe hakarak hamutuk lori rai doben Timor Leste ba oin.
Iha parte seluk, Januari Pereira militantes husi Sub Distrito Atauro mos sente orgulho teb-tebes tamba ema barak mak mai besik partido CNRT nebe la-hanesan ho Primeiro Kongreso, satan lideransa husi menbros partidos politikus barak mak involve an iha partido CNRT.
Tidak ada komentar:
Posting Komentar