Dili – Relatorio aktividade partido CNRT husi tinan 2007 to 2011, nebe hato’o husi Secretario Geral Dionisio Babo, hetan apresiasaun husi Delegados Distritais. Mayoria Delegados konkorda ho relatorio nebe hato’o, tamba refleta duni ho aktividade nebe durante ne’e Partido CNRT halao. Relatorio ne’e kompostu husi aktividade no orsamento partido nian, nebe halao no utilija ho transparensia, liu-liu apoio nebe ba distritu ho orgaun partido nian.
Maibe iha parte balun hetan komentario husi kongresista sira, liu-liu oinsa partido CNRT servisu makas liu tan hodi konvense militante atu manang iha elisaun geral 2012.
Alem de ne’e, delegados distritu sei hato’o mos defikuldade nebe hasoru, liu-liu apoio material, inklui defikuldades naturesa nebe impede aktividade Partido iha base.
Hafoin hala tiha apresiasaun ba relatoria aktividade Partido CNRT, president da Meja nebe lidera husi Kay Rala Xanana Gusmão, kontinua halo diskusaun no aprovasaun artigo por artigo ba statuta Partido nian.
Kongreso CNRT sei remata iha loron Dominggo (01/05/2011) ho agenda hili estrutura Partido, inklui halao tomada de posse ba membro foun Partido CNRT.
Tidak ada komentar:
Posting Komentar