Thursday, 05 May 2011 08:32
Dili-tuir relatoriu avalisaun tekniku ba kontas partidu politiku nian iha anu fisikal 2010, partidu CNRT mak sai primeiru lugar ho valor 98,5% entre partidu politiku sanulu (10) ne’ebe hatama sira nia relatoriu ba CNE iha 2010.Tuir relatoriu ne’ebe fo sai husi Comisaun Nasional Elisoens (CNE) iha kurta 30 Marcu 2011 iha sede CNE- Kinta boot, hatudu katak rezultadu audit orsamentu partidu nian, partidu CNRT mak sai primeiru lugar 98,5% iha orsamentu fisikal 2010 nian tamba tuir termos de referensia ne’ebe fo sai husi CNE.
Tuir Secretariu Geral Partidu Congressu Nasional Recontrusaun de Timor Leste (CNRT) Dionisio Babo hafoin iha nia diskursu hateten Katak relatoriu orsamentu fisikal 2010 nia partidu CNRT mak sai primeiru vensodor iha relatorio annual ne’ebe aprezenta ba iha CNE.
“hau fo parabens ba chefe Financas sr Hermenjildo da Costa, Juneka da Costa Tilman, Jose Francisco Silva ne’ebe durante ne’e halo sira nain servisu ho profesional iha secretariadu partidu nia ”dehan Sekjen Dionisio Babo hafoin iha nian diskursu iha kongresso nasional Partidu CNRT.
Iha parte seluk Chefe Financas Partidu CNRT Ermenjildo da Costa hateten katak durante ne’e Partido CNRT apresentasaun relatoriu tuir modelu formulario ne’ebe CNE fo ba partido tomak e mos presentasaun kontas tuir tempu legal, orsamento tama ba kas (Debeto) ou sai husi kas (Kredito) tenke ho dokumentus kompleitu.
Ami mos halo transparensia movimento osan tama no osan sai, ho dokumentos banco no kaixa partidu kompleitu. Faktor prinsipal liu mak durante ami jere orsamento ho onestidade baseia ba desizaun Komisaun Politika Nasional Partido CNRT.
Relatorio ida ne’e, tuir Ermenejildo da Costa senti kontenti tamba apresentasaun relatorio orsamento ba 2010 bele hetan valor 98.5 % hanesan valor aas liu. Ami mos spera katak iha tinan 2011 ami halo diak liu tan basei ba lei jere orsamento nian ne’ebe CNE hato’o mai ami partido Politiku sira.
Tidak ada komentar:
Posting Komentar