Miguel Manetelo : Hau Laos Ema PD

DILI- Segundu kongreso CNRT nebe halo iha Centro Konvensaun Dili - CKD, hamosu delegados oin foun balun, liu-liu membro Governo AMP, nebe antes ne’e ema konese hanesan membru ba partido seluk.

Miguel Manetelo, actual Sekretariu Estadu Joventude e Disportu (SEJD), nebe uluk diskonfia hanesan militante partidu seluk hateten, desde simu kargo iha Governo AMP nia nudar ona Militante Partido CNRT no laos militante ba Partido Demokratiku (PD).

“Hau asumi kargu iha SEJD ne’e fatin CNRT nian, laos fatin PD. Ne’e duni hau laos ema PD maibe hau Ema CNRT,” dehan Manetelo hafoin partisipa iha kongeressu nasional partidu CNRT iha Sentru Konvensaun Dili, Segunda (2/5/2011).
Nia mos informa tan katak iha momentu governasaun AMP harii nia laos PD nia ema, maibe hanesan ema independen, nebe Prezidente Partidu CNRT fo fiar ba nia hodi kaer kargu hanesan SEJD.
Partisipasaun Miguel Manutelo iha kongreso CNRT ba daruak, sei hamosu hela duvidas iha kongresista sira seluk, tamba antes asumi kargu iha Governo AMP, Manutelo laos militante Partidu CNRT.
“Hau partisipa kongeresu  partidu CNRT nia ba loron Primeiru hau sai hanesan observador maibe ba loron segundu hau sai hanesan  Delegadu ida ne’e hatudu katak hau ema CNRT,” dehan Miguel Manu Telu ho fiar a’an.
Nia mos informa tan katak uluk nia hanesan fasilitator partidu CNRT, tamba ne’e karik husu nia razaun tamba sa, sai husi PD nia la iha komentariu tamba nia assume kargu Sekretariu Estadu ne’e fatin CNRT nian.