Uza Naran Xanana Gusmão, “CNRT Kondena FRETILIN”

Jornal Nacional Diário - Kinta, 12 Maio 2011

Dili-“Partidu Congresu Nasional Rekonstrusaun Timor (CNRT) kondena makas Partidu FRETILIN nebe uza lideransa CNRT Xanana Gusmao nia naran iha konsolidasaun estrutura Partido FRETILIN nian.

Ida ne’e akontese, iha konsolidasaun ne’ebe ami hare iha Partidu FRETILIN Uza, dehan katak, se sira manan eleisaun 2012 hanesan, sira hasai Xananahusi Tahu laran, maibe ami hanesan Bancada CNRT no militantes CNRT hare, ne’e politika la los,”deklara Vice Xefi bancada CNRT, Pedro da Costa ba Jornalista sira, Kuarta (11/5), iha Uma Fukun Parlamentu Nasional.

Tuir Pedro da Costa, konsolidasaun ne’ebe halao husi partidus politikus iha Timorlaran ne’e ba iha baze, balun halo konsolidasaun ne’e ho diak no balun buka halo dada tan simpatia husi militantes Partidu sira seluk nian, utilize figura nasional nian naran atu ba sira nia interese politika.

Nia koalia, Politika ne’ebe FRETILIN utiliza, CNRT nia figura Xanana Gusmão nian ba sira nia politika atu dada simpatia povo nian i ne’e ba CNRT konsidera Politika ida la dun furak, i CNRT la simu politika sira hanesan ne’e.

Nia mos husu ba povu ne’ebe simpatia ba CNRT, atu matan moris no neon nakloke, toleransia maximu iha politika sira hanesan ne’e, atu labele monu ba sira nia fintas, CNRT apelo nafatin ba nia militantes atu fiar nafatin ba lideransa Xanana Gusmão.

Nune’e mos deputadu PSD, Agusto Tara haktuir deklarasaun eis Primeiru Ministru Mari Alkatiri actual sekretariu jeral Partidu FRETILIN katak atu hasai Xanana husi Tahu laran ne’e, hau hare bua rua mak hau bele konsidera, ida propaganda politiku atu bele hetan votus, ida seluk tamba ema rezistensia, sira ne’e mesak ema lideransa Timor Leste nian ne’ebe fundadores ba ukun An ida ne’e hau hare nia hateten katak Xanana la halo buat seluk, sala ne’e laos maun boot Xanana mak halo, maibe ema ne’ebe iha ninia sori-sorin ne’ebe halo sala balun, ne’e it abele koalia lolos,”koalia deputadu Tara.

Haktuir deputadu PSD ne’e katak, eis PM Alkatiri fo sai deklarasaun refere karik tamba mos PM Xanana nudar kolega diak ne’ebe uluk ema Comite CentralFRETILIN nian iha 1975 konserteza nia (Alkatiri-red) hakarak hasai PM Xanana husi involvimentu sala ne’ebe ninia membru Governu halo.

Se nia hanoin ida ne’e Pozitivu diak, mas buat seluk mos bele tama hotu para politiku oituan atu bele atrai povu ninian hanoin ne’e dehan, afinal ema sira ne’e hamutuk hela, ne’ebe diak liu ita tenke apoiu sira ne’e hotu,”katak Tara.

Iha fatin hanesan, deputadu Bancada PD, Rui Menezes sublinha liu tan katak, mensazen eis PM, Marí Alkatiri ne’e nudar influensia no tentative para eksplora ba povu atu ema hili FRETILIN.

“Maun boot Xanana iha partidu rasik la presiza partidu para atu balberta fali maun boot Xanana, ne’ebe lojika ne’e laiha, rasasinu ne’e laiha, tanba ne’e mak hau lahatene se karik FRETILIN atu ba liberta maun boot ne’e halo nusa, agora dadaun politika ne’ebe atu liberta povu hotu-hotu husi justisa, diskriminasaun tenta atu dezenvolve rai ne’e no liberta povo ne’e husi kiak no mukit ida ne’e maka karik sai hanesan perigu ba partidu FRETILIN,”koalia deputadu Rui Menezes.das/alf