Hasoru Elisaun Geral 2012, Partido CNRT lao ho Programa tolu.

http://www.partidocnrt.com/

Dili- Iha tinan ida ne’e sekretaris jeral partidu CNRT hamutuk ho estrutra tomak sei avansa ho programa tolu deit hodi hasoru eleisaun jeral 2012 mak hanesan klarifika estrutura, halao programa partidu nian iha base, no halao relasaun diak ho partidu sira seluk.

Tuir sekretaris jeral partidu CNRT Deonisio soares Babo, programa tolu ne’e, atu reforsa Partido CNRT iha base hodi hetan partisipasaun diak liu tan ba prosesu desenvolvimento

“Implementa programa tolu importante iha periodu ida ne’e mak hanesan klarifika estura estrutura iha partidu nia laran hodi nune partidu sai forti liu tan, hala’o programa partidu nian iha base hodi alkansa objektivu manan Vitoria iha elisaun jeral 2012,no halo relasaun diak ho partidu sira AMP hodi servisu hamutuk desemvolvi rai ne’e ba oin”

Dehan Deonisio  Babo iha centru convencoes Dili (03/05/11) bainhira halao ceremonia tomada de pose ba estrutura foun ba periodu 2011-2016.Tamba ne’e Dionisia Babo husu mos ba parte igreja, NGos sira, sosiadade civil atu servisu hamutuk hodi kria kondisoens ruma ba rai ida ne’e  atu bele hetan orientasaun ruma ba desmvolvimentu rai ida ne’e “ tenik  Babo.

CNRT P=45

Iha apresentasaun programa Partido CNRT iha kongreso ba dala rua foin lalais, partido CNRT utilija palavra CNRT P=45, ho optimista katak bele hetan kadeira 45 iha Parlamento Nasional.

“CNRT P= 45 ne’e hanesan palavra de orden, hodi alkansa objektivu manan Vitoria iha 2012 para bele hetan 45 kadeiras iha parlamentu nasional hodi nune kaer ukun mesak para halo mudansa ba desmvolvimentu ba ita nia rai. Hateten Dionisio Babo ho fiar a’an.

Iha parte seluk kona ba atu halo koligasaun ka ukun mesak, tuir Dionisia Babo,  atu halo koligasaun ho partidu sira seluk ka kaer ukun mesak, sei depende ba  kongresu nasional tuir mai, maibe CNRT nia objektivu mak tenki hetan 45 kadeiras atu nune kaer ukun mesak ou maioria absoluta.

Sumber: Redaksaun CNRT