DILI – Primeiru Ministru, Kay Rala Xanana Gusmão, Kuarta (18/5), halo abertura ba feira durante loron lima nia laran, iha Bidau Lecidere-Dili. Iha serimonia abertura nee, Xanana husu ba ema hotu atu vizita feira nee ho laran mos, no hadook aan husi problema.
“Hau husu boot ba ema hotu, bele ba haree feira ida nee, maibe tenki ho larn mos no hanoin mos, hodi labele hamosu problema iha ita nia rai laran. Ita hotu tenki respeita no tulun malu hodi hatudu katak povu ida nee, povu ida nebee matenek no barani hodi hatudu obrigadu wain ba ema hotu,” dehan Xanana liu husi nia diskursu. Xanana esplika, governu ida nee halo inisiativa oi-oin para atu ema hotu bele kontente selebra loron restaurasaun independensia ba dala sia. “Liu husi selebrasaun ida nee, ita hotu hanahek malu iha fatin no iha rai ida nee, foo liman foo neon ba malu, atu ita hotu sai ema ida deit,” Xanana apela.
Iha okaziaun hanesan, Vice Primeiru Ministru, Jose Luis Guteres, haktuir, eventu ida nee hanesan tinan-tinan governu halo tiha ona, atu hametin demokrasia iha rai laran. “Tamba nee mak husu ba ema hotu nebee hakarak mai partisipa iha feira ida nee, labele hanoin buat barak. Ita hotu mai iha nee, fo liman ho neon ba malu hodi halakon problema iha ita nia rai laran,” nia apela.
Nuneee mos Celestino Ximenes, nudar partisipante iha eventu nee, sente kontente tamba governu hanoin no foo duni interese ba povu, hodi halo programa ida nee, ho intensaun atu anima joven no ferik katuas sira hodi mai partisipa.
“Ami povu bainhira atu kontente tenke liu hosi eventu hanesan nee, tamba nee durante loron lima nia laran, ema hotu bele mai iha nee hodi anima malu liu husi ita nia artista Timor oan sira nebee mai toka no kanta iha fatin ida nee, hodi anima povu sira nebee lori sira nia produtu lokal mai husi Distritu 12, inklui mos Dili laran,” nia ekspresa liafuan hirak nee ho kontente. mj5
Iha okaziaun hanesan, Vice Primeiru Ministru, Jose Luis Guteres, haktuir, eventu ida nee hanesan tinan-tinan governu halo tiha ona, atu hametin demokrasia iha rai laran. “Tamba nee mak husu ba ema hotu nebee hakarak mai partisipa iha feira ida nee, labele hanoin buat barak. Ita hotu mai iha nee, fo liman ho neon ba malu hodi halakon problema iha ita nia rai laran,” nia apela.
Nuneee mos Celestino Ximenes, nudar partisipante iha eventu nee, sente kontente tamba governu hanoin no foo duni interese ba povu, hodi halo programa ida nee, ho intensaun atu anima joven no ferik katuas sira hodi mai partisipa.
“Ami povu bainhira atu kontente tenke liu hosi eventu hanesan nee, tamba nee durante loron lima nia laran, ema hotu bele mai iha nee hodi anima malu liu husi ita nia artista Timor oan sira nebee mai toka no kanta iha fatin ida nee, hodi anima povu sira nebee lori sira nia produtu lokal mai husi Distritu 12, inklui mos Dili laran,” nia ekspresa liafuan hirak nee ho kontente. mj5
Tidak ada komentar:
Posting Komentar