Dili – Segundo Kongreso Partido CNRT nebe halao iha Centro Convensaun Dili, sei hetan nafatin partisipasaun husi Grupo Fretilin Mudansa-GFM. Presensa Grupo Fretilin Mudansa, atu fo apoio ba hanoin Presidente Partido CNRT Kay Rala Xanana Gusmão hodi ense indepensia Timor Leste nian ho Desenvolvimento, atu lori Povu sai husi susar nia laran.Natalino Dos Santos, Membro Fretilin Mudansa nebe agora daudan nudar Deputado Partido CNRT hateten, agora daudan seidauk hanoin atu husi CNRT, tamba sei asumi hela kargo politika iha Parlamento Nasional, nebe Povu CNRT mak hili.
“ Agora hau assume hela nudar Deputado iha Parlamento husi Partido CNRT, no hau mos sei halo hela knar tuir ba misaun CNRT nian hodi defende Governo AMP nebe CNRT mak fo mai hau” dehan Natalino.
Iha parte seluk relasiona ho segundu kongresu partidu CNRT nian ne’ebe mak iha CCD hodi hil sektretaris jeral, tuir nia sei propoin liu Sr. Beneditu Freitas bele sai partner ba Kay Xanana hodi lori partidu ba oin
Intertanto GFM husi distritu Baucau Tadeu Sarmento hateten, bainhira GFM sai duni ba Partido Politiku sei dada hikas militante GFM nebe oras ne’e fo’o apoio hela ba Partido seluk. Tuir representante Distritu Baucau ne’e katak, iha tinan 2006 GFM desidi sai husi Partido Fretilin, tamba atu fo’o apoio ba Maun Boot Kay Rala Xanana Gusmão hodi kaer Governo no apoio Jose Ramos Horta ba Presidente da Republika.
Maske nune, GFM fo fiar katak, sei kontinua sai parseiro ba Partido CNRT nebe Lidera husi Maun Boot Xanana Gusmão atu lori duni povu terus nain sai husi susar nia laran. (Amanu)
Tidak ada komentar:
Posting Komentar